മൌനം വാക്കുകളായി
അവര്‍ക്കിടയില്‍ മുറിഞ്ഞു
വീണു കൊണ്ടിരുന്നു
ഇടയ്ക്കിടെ ഉയരുന്ന
ദീര്‍ഘനിശ്വാസങ്ങള്‍
അവര്‍ക്ക് ജീവനുണ്ടെന്നു
തെളിയിച്ചു
അവരുടെ നിശ്വാസ വായു
അന്തരീക്ഷത്തെ ചൂടുള്ളതാക്കി
മൌനത്തെ ഭേദിക്കുവാന്‍
അക്ഷരക്കൂട്ടങ്ങള്‍ക്കായി
അവിടെയാകെ അവര്‍ പരതി
കൊണ്ടിരുന്നു
പക്ഷെ അവയൊക്കെ അവരെ വിട്ടു
ഓടിപോയിരുന്നു
അവസാനം ഒരു വാക്ക് പോലും
പറയാനാകാതെ
മൌനത്തില്‍ കനം തൂങ്ങിയ
അന്തരീക്ഷത്തില്‍ പിടിച്ച്‌
അവരെഴുനേറ്റു നടന്നു
തിരിഞ്ഞു നോക്കാതെ
രണ്ടു ദിശകളിലെയ്ക്കായി....
