മഞ്ഞില്‍ കുളിച്ച പ്രഭാതങ്ങളില്‍
ഞാന്‍ നിന്നെയും കാത്തിരുന്നു
മഞ്ഞു വീണ നനഞ്ഞ
നാട്ടിടവഴികളിലൂടെ
കൈ കോര്‍ത്തു നടക്കുവാനായ്
ചുവപ്പുരാശി വീണ
പ്രദോഷങ്ങളിലും
നിന്‍റെ നിഴല്‍
കടന്നു വരുന്നുണ്ടോ
എന്നു ഞാന്‍ വഴിയിലേയ്ക്ക്
കണ്ണുകള്‍ പായിച്ചു...
പടിപ്പുര വാതില്‍ കൊട്ടിയടച്ച്
നിശബ്ദ്തത തിങ്ങിയ ഇടനാഴികളിലൂടെ
എന്‍റെ മുറിയുടെ സ്വര്‍ഗത്തിലേയ്ക്ക്
ചേക്കേറുമ്പോള്‍ ഞാനറിഞ്ഞിരുന്നില്ല
തണുത്തുറഞ്ഞ രാവുകളില്‍
നീയെന്നെയും കാത്തിരിയ്ക്കുന്നത്
നിന്നിലേക്കുള്ളതായിരുന്നു
എന്ന് ആരോ പറഞ്ഞ
തിരിച്ചറിവ് ഇന്നെനിയ്ക്കും
തിരിച്ചറിവുണ്ടാക്കിയിരിയ്ക്കുന്നു...
